நீங்கள் தேடியது "ரெயில் பெட்டியில் தீ"

புவனேஷ்வர்:

தலைநகர் டெல்லியில் இருந்து ஒடிசா மாநிலம் புவனேஷ்வர் இடையே ராஜ்தானி எக்ஸ்பிரஸ் ரெயில் இயக்கப்பட்டு வருகிறது.

இந்த ரெயில் இன்று மதியம் 1 மணியளவில் ஒடிசாவின் பாலாசோர் மற்றும் சோரா ரெயில் நிலையங்களுக்கு இடையே உள்ள காந்தபடா என்ற இடத்தில் சென்று கொண்டிருந்தது.

அப்போது திடீரென ரெயிலின் ஒரு பெட்டியில் தீப்பிடித்து எரிந்தது. இதை கவனித்த டிரைவர் உடனே ரெயிலை நிறுத்தினார். 

உடனடியாக அந்த பெட்டியின் இணைப்பு அகற்றப்பட்டதால் பெருத்த சேதம் தவிர்க்கப்பட்டது. தகவலறிந்து வந்த தீயணைப்பு வீரர்கள் தீயை அணைத்தனர். இந்த விபத்தில் உயிர் சேதம் ஏற்படவில்லை என அதிகாரிகள் தெரிவித்தனர்.

லக்னோ:

குஜராத் மாநிலத்தின் காந்திதம் நகரில் இருந்து அசாம் மாநிலத்தின் காமாக்யாவுக்கு செல்வது காமாக்யா எக்ஸ்பிரஸ்.

நேற்று மதியம் புறப்பட்ட காமாக்யா எக்ஸ்பிரஸ் ரெயில், இன்று காலை 11.30 மணிக்கு உத்தரப்பிரதேசம் மாநிலத்தை அடைந்தது. அங்குள்ள கைலாஹட் ரெயில் நிலையம் அருகே வந்தபோது, காமாக்யா எக்ஸ்பிரசின் ஜெனரேட்டர் அறையில் திடீரென தீ பிடித்தது.

இதையறிந்த ரெயிலின் டிரைவர் ஜெனரேட்டர் பெட்டியை தனியாக அகற்றினார். தகவலறிந்து அங்கு வந்த தீயணைப்பு படையினர் தீயை அணைத்தனர். இந்த தீ விபத்தால் டெல்லி - ஹவுரா வழித்தடத்தில் ரெயில் போக்குவரத்து பாதிக்கப்பட்டது. இதில் யாருக்கும் சேதம் ஏற்படவில்லை என அதிகாரிகள் தெரிவித்தனர். #KamakhyaExpress